لا ينفعك مال وارجال ..ولا ملك ساعة امّاتك
ما تنفعك غير لعمال .. اللي درتّا في حياتك
راك تحسب العمر مازال .. وفي اللهو تقضي اوقاتك
ولا اتغربك راحة البال .. كان هي الدنيا عطاتك
مرة اتكسبك مال ميال .. ومرات يشوى احتاتك
ولا ايجيبها قيد وعقال.. ولا نزر كان اهلباتك
ياعبد لا اتكون زعّال .. راه صاحبك هو امراتك
ايجيك يوم في نعش تنشال .. وتندم علي شي فاتك
يـــــامن اذنوبك اثقال ..نين واكلات احسناتك
ويامن ادروب الضلال .. لاقط وناسي صلاتك
انوصيك وابشر بلامال .. ان كان الوصاه الزماتك
اياك من شين لفعال .. واللي اتواطي اصياتك
واياك مالقيل والقال .. وين ما اتفيض قناتك
واياك من كل نشوال .. وخذ كلام امبكياتك
واياك تشقى بموال ..ايعيبك وترخص الغاتك
واياك تطلب الموحال .. اللي ما اتجيبه امناتك
واياك من حب لعيال .. اينسيك هللي ضناتك
امك اللي كم ميجال .. من حليبها رضّعاتك
امك اللي لذ لوكال .. ياطول ما طعماتك
وامك اللي ليلها طال .. وين غبت ياما رجاتك
وامك اللي دمعها سال .. مالفرح وين انظراتك
اليوم كيف يالاك تندال .. ومايطول فيها عناتك
ايك تنقص المكيال .. كان بدينها طالباتك
ودين بوك في عام لكلالا.. ياما سعى في ارضاتك
واليوم قاصره بيه لرجال .. وليام ماعلماتك
وقول يالله ايهد لجبال.. وهي الطامة كان جاتك
وفيت ربنا ما ايدوم حال .. وخذ موعضة من امواتك
وصلي علي طيب الفال .. المبعوث فيها نجاتك
ما تنفعك غير لعمال .. اللي درتّا في حياتك
راك تحسب العمر مازال .. وفي اللهو تقضي اوقاتك
ولا اتغربك راحة البال .. كان هي الدنيا عطاتك
مرة اتكسبك مال ميال .. ومرات يشوى احتاتك
ولا ايجيبها قيد وعقال.. ولا نزر كان اهلباتك
ياعبد لا اتكون زعّال .. راه صاحبك هو امراتك
ايجيك يوم في نعش تنشال .. وتندم علي شي فاتك
يـــــامن اذنوبك اثقال ..نين واكلات احسناتك
ويامن ادروب الضلال .. لاقط وناسي صلاتك
انوصيك وابشر بلامال .. ان كان الوصاه الزماتك
اياك من شين لفعال .. واللي اتواطي اصياتك
واياك مالقيل والقال .. وين ما اتفيض قناتك
واياك من كل نشوال .. وخذ كلام امبكياتك
واياك تشقى بموال ..ايعيبك وترخص الغاتك
واياك تطلب الموحال .. اللي ما اتجيبه امناتك
واياك من حب لعيال .. اينسيك هللي ضناتك
امك اللي كم ميجال .. من حليبها رضّعاتك
امك اللي لذ لوكال .. ياطول ما طعماتك
وامك اللي ليلها طال .. وين غبت ياما رجاتك
وامك اللي دمعها سال .. مالفرح وين انظراتك
اليوم كيف يالاك تندال .. ومايطول فيها عناتك
ايك تنقص المكيال .. كان بدينها طالباتك
ودين بوك في عام لكلالا.. ياما سعى في ارضاتك
واليوم قاصره بيه لرجال .. وليام ماعلماتك
وقول يالله ايهد لجبال.. وهي الطامة كان جاتك
وفيت ربنا ما ايدوم حال .. وخذ موعضة من امواتك
وصلي علي طيب الفال .. المبعوث فيها نجاتك