السلام عليكم ورحمة الله وبركاته
اخواني الكرام انا راح اشرح لكم وضعي بالكامل وتكفون دلوني تراني تايه وماني عارف وش السالفه
انا مبتعث لاكمال الماجستير من وزارة الصحه لبريطانيا وحتكون دراسة الماستر في جامعه كاردف سبتمبر 2012 ودراسة المعهد في 16 جانوري 2012 في معهد الكلتك ولمدة 32 اسبوع يعني انتهي قبل دراسة الماستر باسبوع تقريبا او عشره ايام
برفقتي زوجتي وابنتي الصغيره
انا ابي اطلع شهرين ثلاثه من غير العائله بعدين ارجع آخذهم بعد ان استقر
الحين ابي اطلع التأشيره لي ولعائلتي واللي تايه فيه مايلي وتكفون فزعتكم وخبراتكم
اذا عملت موعد وماقدرت احضر فيه هل اقدر اغيره ولا فيه مشاكل ؟؟
اذا جيت اعبي الطلب وش الطلبات اللي لازم تكون موجوده قبل البدء في التسجبل لأني شايف في مواقع يقولوا عنوانك في بريطانيا وانا الى الآن ماعندي عنوان وش الحل؟؟
هل اعبي لكل فرد من افراد العائله طلب مستقل ام كلهم في طلب لاني سويت تجربه لقيت خانه يقول كم عدد اللي بتقدم لهم فيزا؟؟؟
هل في الطلب يوجد خيارات تخيرك في انواع الفيزا ام انه فقط تقديم وهو راح يحددون لك نوع الفيزا؟؟؟ لان لو كان انا اختار نوع الفيزا فماني عارف وش اختار لي وش اختار لزوجتي ووش اختار لابنتي؟؟
وش الفيزا اللي ممكن يعطوني ووش الفيزا اللي ممكن يعطون عائلتي؟؟
وش الاوراق اللي لازم تكون معاي عند موعد حضوري للسفاره غير الشهادات والقبولات؟؟ لان فيه مواقع يقول تعريف من العمل بالراتب وموجه للسفاره وكشف حساب لآخر ثلاثه شهور بالانجليزي؟؟ ياليت تشرحون لي شرح وافي عن اي ورقه مطلوبه في الحضور للسفاره
وش نوع الصور اللي يطلبون احضارها في السفاره وكم مقاسها وهل هي لي فقط ام لجميع افراد العائله ؟؟؟
المعهد قالوا ماراح نعطيك كاس نمبر نعطيك خطاب فيزا فقط
هل اقدراخذ من الجامعه كاس نمبر من الآن اذا ارسلت لهم خطاب الضمان المالي واطلع فيه التأشير من الآن
تكفون دلوني ترى راسي صدع من نظام الفيزا الجديد والمشكله مالقيت في المواقع شرح كافي ووافي عنها وانا مابي اغلط في شي فلجئت لكم بعد الله لأني متأكد ان هالمكان مميز عن غيره ويجمع كل اللي عندهم خبرات ويحبون يخدمون الناس
شكرا