سلامي علي لجواد واهل اللومه
والناس تفرق كل حد برسومه
سلامي علي لجواد عندي برمه
وعندي مع لجواد شان وحرمه
ولجواد في وقت الشدايد مرمى
كيف المناهل في العطش معلومه
وللياش حتى الخير داير عرمه
علي افامهم ماي واخده لعزومه
سلامي علي لجواد عندي طلّه
لجواد واللي يفرحوا بمعلّه
وكيف الذهب لجواد ما تتخلى
وقت الكدر مطلوب جايب سومه
والعفن كانك جيت عند محلّه
يبدا يتقجدر ضايقات علومه
وكل شي عنده وصف ويماثلّه
فيه فرق بين الصقر بين البومه
سلامي علي لجواد بنجاوبها
لجواد واللي باهيه منسبها
ولجواد ديما اجواد في نايبها
هشاشه وصغرة نفس عند لزومه
والعفن كانك جيت عنده سبها
تسهيمه وتكشيره ولوية زومه
وكان قلت كلمة حق بيكذبها
تريد هدرزه بيوحّلك في خصومه
ولجواد مالحيي ولو بتسلبها
صبّاره وحمّاله وهي مظلومه
وللياش وين تقيس واتجربها
مساكين تلقى القاعده مخرومه
وكل شي عنده وصف مثله شبهه
فيه فرق بين المسك بين الثومه
طارف علي لجواد جينا نحفّوا
كدر وقت منّه نعرقوا ونجفّوا
ولجواد لا شبحوا الضيف يخفّوا
صغار نفس ولهم صايبه مقيومه
وللياش كانك جيتهم يلتفّوا
لا مباشره لا شرهبه زمزومه
دابن احداهم ناس ما يصّفوا
عليهم طيور السوّ دارن حومه
ولا عمرهم قالوا كلام ووفّوا
يخلّوا الثني ويدوروا لحشومه
طارف علي لجواد بنخبّرهم
ولجواد ربي انشاء الله يكثرهم
وانشاء الله عالصيبه يقدّرهم
جميع من يجي عاشم يجوا في لومه
ولجواد كانك جيت في مدورهم
يبروا العليله الضالعه المهشومه
وللياش حتى الجار لا جاورهم
كل يوم عركه وعشته مهدومه
وللياش حتى بمالهم قاهرهم
قلال ادب صارلهم كما لكرومه
حديد شيركو التليين ما يكسّرهم
ما ترد عاصيهم الا لحكومه
طارف علي لجواد بارك فيهم
ولجواد كثرهم ولا تغبّيهم
لجواد للشارق منين يجيهم
معاه ينزلوا ويفرّجوا في همومه
ولجواد حتى ميّته نطريهم
فات وقت هاهي الناس تحكي بغومه
وللياش يا ودي نمثّل فيهم
ريحه كريهه خيارها مردومه
سلامي علي لجواد عندي عاده
لجواد واللي يفرحوا بميعاده
لجواد ديمه عندهم زوّاده
اتديّر علي اللي طاح ناضت قومه
وعيل ضني للياش فيه براده
للشارق يجيه يشفّقه بهمومه
منين جايّه بقوله يبيه سناده
وين خبّره زاده فرق بعزومه
ولجواد قولي ما لهمش حداده
اوصاف باهيه واطباعهم مقسومه
فيهم اللي يديّر سخي بزناده
وفيهم اللي يقسم من المحتومه
وفيهم اللي كانه حضر ميعاده
يصفّيه ما يخليش فيه خصومه
لجواد فضلهم ما نقدراش اعداده
لجواد حتى ميته مرحومه
وللياش غير تدوي بلا ردّاده
بلا عقل منطقهم من البلعومه
سلامي علي لجواد واهل اللومه
والناس تفرق كل حد برسومه
والناس تفرق كل حد برسومه
سلامي علي لجواد عندي برمه
وعندي مع لجواد شان وحرمه
ولجواد في وقت الشدايد مرمى
كيف المناهل في العطش معلومه
وللياش حتى الخير داير عرمه
علي افامهم ماي واخده لعزومه
سلامي علي لجواد عندي طلّه
لجواد واللي يفرحوا بمعلّه
وكيف الذهب لجواد ما تتخلى
وقت الكدر مطلوب جايب سومه
والعفن كانك جيت عند محلّه
يبدا يتقجدر ضايقات علومه
وكل شي عنده وصف ويماثلّه
فيه فرق بين الصقر بين البومه
سلامي علي لجواد بنجاوبها
لجواد واللي باهيه منسبها
ولجواد ديما اجواد في نايبها
هشاشه وصغرة نفس عند لزومه
والعفن كانك جيت عنده سبها
تسهيمه وتكشيره ولوية زومه
وكان قلت كلمة حق بيكذبها
تريد هدرزه بيوحّلك في خصومه
ولجواد مالحيي ولو بتسلبها
صبّاره وحمّاله وهي مظلومه
وللياش وين تقيس واتجربها
مساكين تلقى القاعده مخرومه
وكل شي عنده وصف مثله شبهه
فيه فرق بين المسك بين الثومه
طارف علي لجواد جينا نحفّوا
كدر وقت منّه نعرقوا ونجفّوا
ولجواد لا شبحوا الضيف يخفّوا
صغار نفس ولهم صايبه مقيومه
وللياش كانك جيتهم يلتفّوا
لا مباشره لا شرهبه زمزومه
دابن احداهم ناس ما يصّفوا
عليهم طيور السوّ دارن حومه
ولا عمرهم قالوا كلام ووفّوا
يخلّوا الثني ويدوروا لحشومه
طارف علي لجواد بنخبّرهم
ولجواد ربي انشاء الله يكثرهم
وانشاء الله عالصيبه يقدّرهم
جميع من يجي عاشم يجوا في لومه
ولجواد كانك جيت في مدورهم
يبروا العليله الضالعه المهشومه
وللياش حتى الجار لا جاورهم
كل يوم عركه وعشته مهدومه
وللياش حتى بمالهم قاهرهم
قلال ادب صارلهم كما لكرومه
حديد شيركو التليين ما يكسّرهم
ما ترد عاصيهم الا لحكومه
طارف علي لجواد بارك فيهم
ولجواد كثرهم ولا تغبّيهم
لجواد للشارق منين يجيهم
معاه ينزلوا ويفرّجوا في همومه
ولجواد حتى ميّته نطريهم
فات وقت هاهي الناس تحكي بغومه
وللياش يا ودي نمثّل فيهم
ريحه كريهه خيارها مردومه
سلامي علي لجواد عندي عاده
لجواد واللي يفرحوا بميعاده
لجواد ديمه عندهم زوّاده
اتديّر علي اللي طاح ناضت قومه
وعيل ضني للياش فيه براده
للشارق يجيه يشفّقه بهمومه
منين جايّه بقوله يبيه سناده
وين خبّره زاده فرق بعزومه
ولجواد قولي ما لهمش حداده
اوصاف باهيه واطباعهم مقسومه
فيهم اللي يديّر سخي بزناده
وفيهم اللي يقسم من المحتومه
وفيهم اللي كانه حضر ميعاده
يصفّيه ما يخليش فيه خصومه
لجواد فضلهم ما نقدراش اعداده
لجواد حتى ميته مرحومه
وللياش غير تدوي بلا ردّاده
بلا عقل منطقهم من البلعومه
سلامي علي لجواد واهل اللومه
والناس تفرق كل حد برسومه